حركة اصابعك

الموضوع في 'منتدى كوباني العام' بواسطة bave roblend, بتاريخ ‏16/9/09.

  1. bave roblend

    bave roblend New Member

    إنضم إلينا في:
    ‏5/5/09
    المشاركات:
    301
    الإعجابات المتلقاة:
    0
    [​IMG]


    بهاللحظات وأنا بجنبِكْ وأنتِ وعم تكتبي، حركة أصابعِكْ عاللاب توب أكثر ليونة من حركة أصابعي، ملزوقة أصابعِك بالحروف أكتر، وصوت الطقطقة تبع الأزرار ناعم رقيق وانسيابي، لم تكن أصابعُكِ لتسقط على الحروف مدوية من علِ، وهيك بلَّشت ألعب دور المضمحل أمامكِ، لأنِّكْ عم تكتبي، ما لازم تحسّي بوجودي، لازم أكون عدم​
    .

    بهاللحظات، لا تتحرك، لا تخليها تشعر بوجودك، لا تشوش على الفتاة التي تكتب بهاللحظات، أنتَ لا شيء، لاشيء، لا شيء، لا شيء أبداً، ولا حتى مطر صيف خفيف​
    .
    بلحظات متل هاللحظات، ما بكون عم أنتظر شي، حدا، حالة، قصة، ما بكون عم أنتظر شي، حتى ما بكون عم فكّر بشي، بس في شي، في شي ما بيجوز تعرفه، ما بيصير تزعج حيطانه الرقيقة، يمكن تحرقها إذا عرفتها، بس إذا أنتِ عرفتيها بيكون حرقتها وكبيت فوقها مي، بيصفّى هالشي شغلة محروقة ومطفاية، ومو صفيان منها غير لونها الأسود الباكي، وريحة حريق حزين، بهاللحظات بدِّك تعرفي تاريخها بالنسبة إلي، وين كنتُ وقت اللي أجت، وتعرفي كمان تاريخها بالنسبة ألِكْ، وينِكْ هلأ بهاللحظات، وين رجلِكْ، الأهم وين رجلِكْ، مو وين إيدِك الناعمة اللي بتشبه حركة نهر صغير نازل من جبل عالي، لا مو إيدِك المهمة هلأ، حتى لو كانت مسترخية بعصبية خفية على كتفي، لأ مو إيدِك المهمة، ولا عيونِكْ الشيطانية الصبيّة، الشقية، لأ.مو عيونِكْ، ولا حتى شَعرِكْ، بلحظة غبتُ فيه، حسيت لأول مرة بشَعر حدا غيري عم يروح ويجي قدام عيوني اللي شي بيتفتحوا وشي بيتسكروا، بحر..كلاب.. وقطط وسمك ونباتات وديوك وشوربة دجاج بالشعيرية ..وأنتِ..وما بعرف إذا أنا كنتُ، يمكن ما كنتُ، يمكن لأنِّك كنتِ عم تفكري، يمكن لأنِّكْ كنتِ عم تكتبي

     

    تعليقات فيس بوبك

  2. حلوة آلمعآنيے

    حلوة آلمعآنيے مراقبة منتدى العام

    إنضم إلينا في:
    ‏22/6/09
    المشاركات:
    4,616
    الإعجابات المتلقاة:
    0
    الإقامة:
    UAE
    رد: حركة اصابعك

    موضوع ينشط المخ ..لاني تميت افكر فيه ..

    تسلم اخوي (((قلت ينشط المخ ترا مخي قافل ههههه
     
  3. كول نار

    كول نار KobanisatTeam

    إنضم إلينا في:
    ‏26/1/09
    المشاركات:
    59,298
    الإعجابات المتلقاة:
    7
    الجنس:
    أنثى
    الإقامة:
    حيث للأغتراب وجود
    رد: حركة اصابعك

    انا بصراحة ما فهمت كمانا
    شكلة الصام ماثر علي
    او انة الموضوع فيو غموض
    باف
    دمت بروعة
     
  4. bave roblend

    bave roblend New Member

    إنضم إلينا في:
    ‏5/5/09
    المشاركات:
    301
    الإعجابات المتلقاة:
    0
    رد: حركة اصابعك

    دلبرين , كول نار .. منورين الصفحة ..
    الموضوع عادي بس بدو شوية تركيز ..
    _____( لأنوا فلسفي ) _____
     
  5. كلبهار

    كلبهار مراقبة عامة

    إنضم إلينا في:
    ‏14/9/11
    المشاركات:
    24,954
    الإعجابات المتلقاة:
    5
    الإقامة:
    كردستان
    هور يانعه في بساتين المنتدى نجني ثمارها من خلال الطرح الرائع لمواضيع اروع
    وجمالية لا يضاهيها سوى هذا النثر البهي
    فمع نشيد الطيور
    وتباشير فجر كل يوم
    وتغريد كل عصفور
    وتفتح الزهور
    اشكرك من عميق القلب على هذا الطرح الجميل
    بانتظار المزيد من الجمال والمواضيع الرائعه
     

مشاركة هذه الصفحة

  1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
    إستبعاد الملاحظة